जसे तापलेल्या भूमीला जल दान मेघांनी द्यावे,
तसे आसुसलेल्या माझ्या नयनांना दर्शन तुझे व्हावे.
ओठांवरती तुझ्या सदैव नाव माझे राहावे,
माझ्या प्रीत चित्रात तूच रंग भरावे.
तुज संगे श्रावण सरीचे थेंब मी अंगावरती घ्यावे,
चातकाप्रमाणे मी आज तृप्त व्हावे.
घेवून हृदयात प्रीत तुझी सर्व तन मन न्हावून जावे,
तुझ्याच प्रीतीसाठी कंठातून माझ्या सप्तसूर निघावे.
चांदण्याच्या दर्शनाने चकोर आनंदित व्हावे,
भेटीने एका तुझ्या रिक्तपण मनातील माझ्या दूर व्हावे.
